شع نور الامامه ابکربلا  هل یوم

او زلزل کوخ ظلم العدو و اسلوبه

برض اهل الخیانه نصبوا الصیوان

ما یدرون قدر ایزید و ادروبه

ذکر بکتاب اخیه الوصه ذاک الیوم

علی قسمت زواج القاسم اعجوبه

دعا خوّانه العباس والامجاد

علی زفت ابنیته اسکینه هل نوبه

یا قاسم ادلل جیت اوفی الدین

وصیت والدک با لطف المکتوبه

قِبل شبل الحروب او سِکَن لحظه او گال

الناس اتعرس ابفرحه او مگلوبه

و انه برماح حبی شعلت النه  نار

و اسکینه العروس التنظر الثوبه

جلس یم لیله مکصور الصدر مهموم

شمّاها او بچت یمه او نختته گوم

یبنی عمک احسین انحدر صوبه

اخذ اذن القتال او سار صوب الگوم

مثل السد و ایناظر المصلوبه

قاتل کلقتال اهله ا وبنی عماه

الشجاعه و الشرف هیه المطلوبه

کثرت لمت ارماح انچلت کل صوب

علی ابن الحسن فرق جسمه من ثوبه

طریح الگاع طاح او صاح عمی احسین

کتلانی العطش ما اخافن احروبه

اجاه احسین مغضب یمه صار او صاح

صاح الله و اکبر شنهی اذنوبه

گاع الله او سرنه بل عداله انجول

دمنه سایل او اطفالی مسلوبه

بچه یمه اوسالت دمعته ابعیناه

لاکن ما شفت مای الدمع ذوبه

لان عطشان گلبه او یابس امن الضیم

یا بن علی قصه اعلیک مکتوبه

لعن الله یزید او قاتل اهل الخیر

و اجیوشه واسواره ونبله واحروبه

 

من الشاعر جاسم ثعلبی الحسانی الساری

26/09/1390