الدمع یکتب مکاتیبه   یمحبوبه   یبسمتنه

 

        لفانه الحزن   والحسره   او علینه اظلمت دنیتنه

 

هب امنل عرش موحان او   کثیره   ناس لامتنه

 

الدمع بل عین ظل غرگان وانعابت  سفینتنه

 

ندیر البال علی الصوبین  وین   الی یساندنه

 

انملت روح او گلب یا ناس بل حسرات ضحکتنه

 

مشاکل تنچمد کل یوم باچر   یوم   فرحتنه

 

لاکت لاوین الفرح لاوین او فوگ الناس ظلمتنه

 

الدمع یکتب مکاتیبه یمحبوبه  یبسمتنه

 

        لفانه الحزن والحسره او علینه اظلمت دنیتنه

 

تضل الروح مفروده مسکینه او تدیر  العین

 

اعاتبلی شهم وایگول انه الی  ازیل الدین

یزید اهموم من گلبی او یطیب جرح مو جرحین

یلبسمه یلحبیبه   الیوم اتکون  گعدتنه

او   دوی   اشموع   قرفتنه

الدمع یکتب مکاتیبه یمحبوبه یبسمتنه

        لفانه الحزن والحسره او علینه اظلمت دنیتنه

ابتسمی وابتسامچ کون یمحی   الالم ویاها

راحه لل بدن و الناس کلهه  اتدور ادواها

انعاب جسمی من بعدکم او ذبلت الروح ابجفاها

البسمه الچانت دوانا انطردت او لزمت لواها

وین شبان الطوایف اتجندوا اندور  وراها

راح شیال المشاکل والالم یکتب   عداها

والیعادی البسمه کلمن صادق السکته او ظماها

یاکل ابدرده او ینادی وردة اگلیبی حشاها

عاد عاد الفرح النه نفزع  ابموجب  فرحنه

حتی لو الام دهری تجتمع کلهه ابفزعنه

لا وحگ رب الاماجد ما نصالح   الم احنه

حتی لو الام دهری تجتمع کلهه اعلی حدنه

اشلون بربات الموده ورده وانحبچ یبسمه

المایودچ وحگ ادم ما یحاسب من بلدنه

الدمع یکتب مکاتیبه یمحبوبه یبسمتنه

        لفانه الحزن والحسره او علینه اظلمت دنیتنه

اخ یلبسمه ابتهاجچ تشفی اگلوب العلیله

ایصیر شاب الچان شایب او تنتنهض روح النهیله

آه یا وردة زمانی یا طبیبت کل منادی

الانس لما فتح فمه ترتفع منه الحدادی

لاکن اتمنه ابعمری طلبه من امت بلادی

الیبتسم بسمه جمیله اتکون ضربه لل اعادی

*****

انه السکنیت دار الفرح و اتمنه

الزمان ایطول و ایطول العمر منه

العمر شمعه یضی بل دار و البسمه ورد تزهی او بگت جنه

جنه اتکون دنیانه او وردهه یزهی الاشجار

او بستان الصداقه فاح او ملت نهرانه الامطار

البسمه دوا لل حزنان دکتر تجرح المحتار

اذا تتفکر الشاعر الک ینطق نطق یا جار

الحزن هم عاده لل انسان ینبت بل گلب بسمار

تداوی الگلب و المسمار و البسمه تزید الثار