الدهر کون علینه اوهدف اشماراد

 

او قصف بطواب او هدم سور اهالینه

 

او خله الدم یجر ایامه کل معتاد

 

نهرانه مچبیه ابفرگ وادینه

 

او بقینه کل سفن نتهاوش اویه الروج

 

والبحار ضاع اشماله وایمینه

 

او ندبت ابصوت ابو صالح ابو الطلبات

 

اریدک تحضر او تکسر سکاکینه

 

                  

                   بعدنه الزمن خل یحچی کلمن گال

 

الزمان ایادب المایعمل ابدینه

 

او مطلوب اصبحت وامعیر ابهل حال

 

یا شمعه او مزهیه ابکل شی صبرینه

 

بس ما ینصبر علشرف والناموس

 

والتاهم نذل ماوزن اسنینه

 

نبیع ارواح واگلوب او نفوس اعلیک

 

او نرفع روس اهلکم فوگ عالینه

***

اعاتبمن واگول المن والمن احچی اهمومی

 

          

           اگلچ وانتی ما تدرین وابعیده علیه او زودت لومی

اهدیلچ سلامی او کل تحیاتی

 

یا وردة زمانی ابجنة الابرار

 

یا ورده او مزهیه او یا شمع بل بیت

 

یلنورچ یشع یا تمره یا گنطار

 

یا دیرة هلی او یا غیرة الاغیار

 

یا شهمه او ابیه او یا بدر یا نار

 

یا ست الدویرج البیچ رفعت راس

 

یا صوله او نجیبه او یا شمس نوار

 

یا بنت الشهامه البل مجالس صیت

 

یا هیبة اهلهه البیچ تحما الدار

 

الزین ابهل وکت یتحمل الصعبات

 

والیصیبه رمح لو سها لو سکار

***

شتت ضعاین هلی وادیارهم شاهت

 

واوحش علیه الوکت والنایحه ناحت

 

سافر حبیبی غفل والروح اذا صاحت

 

لا وین یا صاحبی وین الضعاین جلت

 

والشامت ارتاح بطوار او یغنی جلت

 

واگلیبی محتار ناره مسعره او ناشره

 

             

              محد یطفی الهضم و ابروحی الزعل ناشره

 

محبوبی مسجون مجنون الشعر ناشره

***

 حدو بضعونهم لاوین یردون

عطاشه او من دموع العین یردون

الچان اهلچ ییابه اخو یردون

رضیت ابکل امر یصدر علیه

***

حیاتی الناس تضکر طیب والعار

مجالس تحتفل کل وکت والعار

نزیل النار من الگلب و العار

ابصبر وابشوگ وابفرگه او اذیه

***

صباح او مسه نذکر ما نسینه

ولا لحظه ابفگدکم ما نسینه

سهرنه المضه کله او ما نسینه

الباری یجمع اشمول البریه

***

اخلی النار فوگ النار بل نار

عدوی ما ارتاح او طاح بل نار

اریدچ لو شوونی شوی بل نار

معوفچ لو تدگ کلهه علیه

***

تهمنه او مادرا شیصیر والصار

العدو محروگ گلبه او گال شل صار

انکصر گرن الجرحنی بیه و الصار

اذا ماینتدم وایبوس ادیه

***

لتلومین بعد الوم میفید

صار الصار او هذا الغبی میفید

اذا شجره انکبت الثمر میفید

اکل الثمرسببلچ اذیه

***

العدو عاده بعد مایصیر حباب

ابجیشه وابعمامه جمع حباب

واوی صار یختل ختل حباب

الستر لهل العگل ثایه او حمیه

***

شفت احلام مرة مر علیه

ابعذاب السده اعلیکم مر علیه

الملح لو کان مرکم مر علیه

اشحلو لو یملح اگلوب الغبیه

***

لیلی المر انه مندوم مانام

الذنب شنهی الذی امسویه مانام

گلبی صار مثل السمچ مانام

انام ابیوم نتمرکز سویه

***

العمر خلص و افکر ما لگینه

حبیبی الچان روحی ما لگینه

تاهت صورته منی او مالگینه

ارید ابدفنتی تحضر الیه

***

دعیتچ والدموع اتسیل جرار

حسرتی ابگلبی ویه الهضم جرار

لون بیدی حکم بل غیب جرار

فرشت اجفون عینی الکم هدیه

***

عشر اسنین و ایامی بهل حال

ما مرت علی صعبه بهل حال

اتمنه الموت قبل الحال بل حال

ولا اشوفچ ذلیله ابهل دنیه

***

سریت آنه او عفت دینی و دنیای

اخییی او ما ذکر خوتی و دنیای

جفیتوا لیش مانشدتوا ابدنای

انکصر ظهری او طحت غصبن علیه

***

تشمت کل عدو بیه او بهالای

او دگ ادفوفهم یرگع بهالای

لامونی هلی او ربعی واهالای

جزاءالاحسان یبغی بل اذیه

***

گلبی دفتر او ایدی قلمهه

عجز منی الکلام او شد قلمهه

بحر الحب نشف والخز قلمهه

هدف وارماح بس ترمی علیه

***

اریدچچ بس علامه او حی تعیشین

ولو بل صین مامونه تعیشین

ابد ما ینجرح گلبی تعیشین

اظن بس الگبر یمنع علیه

***

الیحب محبوب یوفی کون وعده

یبذل کل وجوده او های وعده

اذا بل دنیه مفروگین وعده

انتظار الفرج نتجمع سویه

***

ابکل لوعه علیه لا تلومین

الهم یسقم اگلیبچ لا تلومین

ربچ نصب حکمه لاتلومین

همی ابیوم فگدی ابهل دنیه