یل تنشد علی زین مااگلک انی و آنی

انه عربی او ایرانی ساری الاصل حسانی

انشد زین عن اصلی او شعری نبت عنوانی

اسلیماوی و عدنانی مضیفی صدر نیشانی

لا کردی ولا لری ولا مدغوش طهرانی

تعال او شوف واقراءاشعار ابوذیات رکبانی

امصطر هل کلام او فاح بل فارسی دیوانی

انواع القصاید بیه عربی او عجمی تلگانی

اهوازی او ساکن ارضه اسنین خوزستان سمانی

اذا تقراءاشعاری زین گول اهلا و سهلا هله ابخوانی

لا تنتقد دون اشکال ولا تتحسد اعلانی

اذا عندک نصیحه اویای ثبت بل کلام او جر المعانی

مو حسبالک انه بل غنم سرحیت تدری استاد قرآنی

ثبت انته من اهل الادب یا زین جرب حبک الثانی

ما تدری انه حسانی

افهم زین لا تتحسد السانی

ینطق بل کلام اسهامه اقلامی

افهم انه حسانی او ساری امن اصل خیگانی

للشاعرجاسم امحمد الجبیره الحسانی الساری

30/10/1390

سهرتَ لیالی و لم یرحمنی غداً

نادیتهُ و لف جفونهِ منتدما

سارَ بدرب الندامهِ بحبهِ غاضباً

و لم یسمع غرود الصیف محترما

نظرت فی صالت جمالهِ سابقاً

سارَ کانهُ لم یعرفنی ابدا

دهرک عمانی یخی ما وفیت گلبی صِدگ

و ابزود هجرک نحب حبی ابذچرک صدگ

ملیت من عشرتک ما وجدیت عندک صدگ

کف من المعاتب بعد لا تذکرنی حبک جفا

روجی نشف ما یجر مده اعلی بحرک جفه

ما لان گلبک علی بوساته ابخدی جفن

اسکنتک اببید لا تنظر علی یا زمن

رحت عفیه علیک ابزود ما جیت

انتظرتک و الدموع اشکثر ماجت

ابهواک الوان حبک علی موجات

دموعک تصب کذبک عم علیه

للشاعر جاسم امحمد الجبیره الحسانی الساری

30/10/1390

روحی تحومی بس علی دارک تروح او ترد

محتاج لمحبتک لا تغضب علی من ترد

حبیتک اهوای روحی من جمالک ترد

مایوس صار الگلب لا تزعل علی هل شکل

عجبانی اهوای زلفک منحدر هل شکل

گلبی ابنبض ما یدگ من هجرک علی هل شکل

بفراگک الموت یاتینی ولو بل قصر

اذا تسمع کلامی ابزعل قصرای

طفت ناره ابهجرک دوم قصرای

الصلاه من یوم شال المحب قص رای

لجل عینک بعت دنیه او آخریه

الدهر هدم مضایف ما سکنهن

عزیز اورود حبک ماسک الهن

اذا اجفی دیارک ما اسکنهن

اضل افتر امسافر بل دنیه

علیش اتلومنی او تزعل اریدک من زمان ابعید

لا حاسد کصر فیک ولا ناسیک یوم العید

اذا ما صارت القسمه اصفه اویای وین اترید

خل نرتاح باقی العمرنسکن شجره ابفیه

لل شاعر جاسم امحمد الجبیره الحسانی الساری

29/10/1390

مر الزمان و روحی تحتهُ غاضبة

تداس فی امال الوفا مکررا

سقطت دموعی ولم یرحمها غدا

یجرها فی وادی الختام سهرا مدبرا

ناحت اروح ابغضب هجر الوکت ما گعد

لا نام تحت العدل لا بل گلب سلوه گعد

شد اعلی زود الحرب ابخیله او حماله او گعد

الوان یهجم علی خلانی اونن و اجر

نوبه یجرنی الوکت نوبه آنه اجره و اجر

خمسین عمری صرت بس امنل حسافه اجر

شلتاق دگ الجرس بل هامه ضربنی ابغضب

الوکت آخر زمانه یتمانه

عسل یمطر دموعه او یتمانه

بغی بل گلب یسطر یتمانه

بگیت ابناره ادگ و الطم بدیه

الشاعر جاسم امحمد الجبیره الحسانی الساری

28/10/1390

ما حسیت لمن دگتک بل بـــــــــــاب

فزّت روحی من النوم عطشانــــــــــــه

رکضت ابلا فکر واگلیبی وجعه انصــاب

لاگانی الحلو وانواره ملیانـــــــــــــــــــه

فتشت العین شافانی الگمر من غـاب

ترجانی ابحبه او ناره واحــــــــــــــــــزانه

قبلت ابگلبه اضلن لل ابد محـــــراب

لاکن گال اجیلک راح ما جــــــــــــــــانه

معنی:

درب عشقم چون زدی شادانه بیدار شـــــدم

تشنه رویت ناگهان طفلک غمخوار شــــدم

بال زد درد و جنونم سوی راز قصه هایت

دل به رو تابیده ماهم مست دلدار شـــدم

باز کردم در وسوزش خورد در چشمان من

دل پریشانم و جانش برد بر درمان مــــن

خواستم در مهر بستر جا زند محرابــــــی را

قهر کرده و عذابش ماند در حرمان مــــن

جاسم ثعلبی ساری 27/10/1390

احتاریت انه اویاک ما عندک وفا لی بعد

مرات اوصیک ما تقبل عتب لی بعد

چندوب اجر بیک و انته الما تواسی بعد

احسن لی بطباع لا تلقی الملامه علی

و الدهر خوان سامح کل بلوی علی

لا تمن الغیر یفرش بل ثنایا علی

انه الک زین لتوصف ابباطل بعد

اچم مره هویتک من هوانه

عجید اتعرف قدری من هو انه

اشتضن لل لی فتنه من هوانه

من بعد المطر تصفه الثنیه

الف مره امرک من تمرنه

انتظرت اسنین مرتک ما تمرنه

اکل فرده حبیبی من تمرنه

دخلی الحلگ یحلی ابهل مسیه

اشتل بل گلب ورده و الف عود

بعد لا تترک الخوه ولف عود

الکراهه تثر الفرگه والف عود

اذا مترد علی ضگت المنیه

للشاعر جاسم امحمد الجبیره الحسانی الساری

27/10/1390

ملیت من هل وکت ما بیه اصبر بعد

حتی الاجانی ابغفل هسه هم جفانی بعد

وحدی بقیت انتظر شافانی زمانی او بعد

مندوم من هل وکت خلانی ضحیه او رحل

مکسور الامال سلانی او ذبحنی او رحل

یفتر ابکل البلد مکسور الخواطر رحل

والگلب زعلان علی الی سده والجرا

الدهر کصر ازلوف اهوای وجره

او علی چفت الندامه ابزود وجره

طفت ناری ابحطب زاداه و جره

بگه بل نار مشعول اباذیه

علیش اتنوح یسمر من هوانه

هواک اشتم او تدری من هوانه

تعال اشتم اشویه من هوانه

تضل ترگص ابطن امک تحیه

للشاعر جاسم امحمد الجبیره الحسانی الساری

27/10/1390

سهرت اللیل کله او گمت افکر بیک

یل مشتول غصنک بل گلب ذکره

ما نامت العین او لا جفنهه ارتاح

او لا طلعت انجوم او لا گمر یضوه

الفکر لف لف اچفونه او نام تحت الگاع

ما ینسا الحبیب النایم ابگبره

رسمتک بل گلب و ازلوفک الشریان

دمی فار من اجفونک الحلوه

دخّلتک بل گلب ضمیتک ازغیرون

کبرت او گمت تتعده علی بامره

علی صدر المحنه شبگیتک خاف

اخاف الشمش تاخذ ونست الگمرا

لگیتک تضوی العالم ابکل اجروح

ولاکن هل شمس متغیره ابسمره

ما اگدر انسّی الروح من طاریک

اخلافک ما سکنت البیت ولا امره

ما اگدر اعوفک وانت اهلالین

اهلال اعیونک او خدک یشع عطره

معنی شعر:

در این شبهای مهتابی،به عشقت فکر می کردم

نه شب دارم نه روزی را،به نامت ذکر می کردم

نه چشمی بسته مژگانش،نه خواب راحتی دارم

نه ماهم روشنک کرده،چه تاب و محنتی دارم

نه فکرم بسته چشمانش،بزیر خاکت آسوده

فراموشی ندارم یار،ترکت کنم بیهوده

درون دل رخت ترسیم،و گیسوی تو شریانم

نمی دانی در این لحظه،چه غم بارم چه گریانم

درون دل رهت دادم،چقدر ناز و چه نوزادی

چو گیسو در کمندت شد،فراموشی زدی شادی

تو را در تاب چشم افسوس،دستت را زدم بندی

تمام ترسم از گرما،رساند اشک خرسندی

ولیکن دیده ام در خواب،تو را چون نور مهتابی

رخ خورشید تاریک است،و دیدم تو جهان تابی

نمی تونم فراموشت کنم هر گز،یادت در دلم ریشه زده ای یار

بدون تو در این خانه نمی مانم،بدون تو دل و جانم شده بیمار

نمی دانی دلم وابسته مهرت شد،ای ماه و هلال نیمه شب تابی

فرشته در جمالت بارها بازید،دلم دور و ورت گشته تو در خوابی

جاسم ثعلبی الساری 26/10/1390

صوره الشاعر جاسم امحمد الجبیره الحسانی الساری

ابو افریح امعزب بل بر گعدته

عازم الخوان او رنت دلته

عازم اخوانه و افروخه بل شجر

فارش السجاد یم شاطی النهر

ذاد والم یشوی سمچه او ینتظر

چایه حار ابناره فاحت گهوته

اجانه ابو توفیق والتمت الناس

مهدی او هاشم او ناصر بل اساس

لحگ جانه مهدی جاسم بل نعاس

امحرگ الوجنه ابجوشه او سهرته

موسی و امحمد و علاوی سعید

سالم و رضوان اولاد العجید

جاسم امحمد حضرهم بل وعید

یکتب اشعاره او صفره سترته

شعلوا النار او تشکّل لل شوی

سطر ادلاله او کتلیه القوی

شوا سمچه ابنار او ضل یطوی طوی

ایسولف النه والله حلوه احچایته

مد سفرته او سطر اعلیها النرید

کل شی یاجد عزب النه ما نرید

مشوی او مطبوخ زاده چنه عید

الله ایستره ابحلت شدّته

احترت الگعده اجانه ضیف جای

الغرشه تطرخ لا تمصهه ابلیه مای

اثنین یفترن احسابنهن دوای

خوش گعده سولف النه خبرته

نشکر الخوان والله ایدومها

کل شهر طلعات یوصل یومها

تشفی الاجساد من اسمومها

ایطیب من المرض تشفی علته

من الشاعر جاسم امحمد الجبیره الحسانی الساری

25/10/1390

صوره الشاعر جاسم امحمد الجبیره الحسانی الساری

یا شیعی لجل احسین شد ارکانها

دگت اطبول العزاء بحزانها

*******

دگت اطبول العزاء واتحزمت

لاجل شبل المرتضی اتحاشمت

لل شوارع و المساجد سیرت

اکبار و اصغار انفجر بر کانها

*******

ذکرت احسین او علی

بل مصایب منجلی

بعد انه من هو الی

اتحشمت شرق او غرب بعلامها

*******

اتحشمت و اتصیح یا ثار الحسین

هذا ابن حیدر علی سید الامین

اترید ثار الکفر من بدر او حنین

او هدمت بل معرکه دیرانها

*******

لاجل احسین او تدگ بسدورها

الکربلا تمشی مشی و اتزورها

هذا ابن فاطمه شعت نورها

المصطفی ابوها صدر دیوانها

*******

احسین ما حب الحکم

احسین ضد هذا الظلم

احسین فکره بل سلم

احسین بل معروف امر شانها

*******

یا شیعی شد الحیل من درب الجهاد

حرر الروح الابیه امن العناد

الروح ناحت سیر لسیاد البلاد

احسین یختم بل کلام اوزانها

*******

حرر الروح ابجمال

انته یا شیعی الکمال

اتکتر ادروب الرمال

من صراط احسین کض ارسانها

*******

احسین راید هل عقیده انعینها

ابدرب حب المرتضی و انزینها

احکام ربنه بل ختم قارینها

نعمل الحگ ما نطوف اعوانها

*******

زینب اتلوم العلیل

شبل حیدر یا جمیل

احسین بل حومه یزیل

ابسیفه البتار کر طوفانها

*******

لاتدگ اعلی الصدر زید الفکر

لا تناسی او تنتظر زید الذکر

احسین بل توحید حبه منذکر

اقرا بل قران تلگه اعلانها

*******

اذهب او زور الگبر

لا تدگ اعلی الصدر

طالع او شوف القدر

ایزید دبر هل مصیبه او خانها

من الشاعر جاسم امحمد الجبیره الحسانی الساری

25/10/1390

علی گبری اکتبوا شفت، چم قصه و الف لوعه

علی صخره السوده اکتب، ابوی انداسن اضلوعه

علی الدنیا ابد ما ناح، ولا حب غیبه مجموعه

ابوک اسمه انکتب بل لوح، خل تفرح الگنبوعه

اکتب فوگ صخره گلبی حط نیشان

اسم  مذکو تاریخ الوفا او عنوان

ابوک الفرح بیته او ما یرید احزان

یبنی خل ضمیرک یفرح اشویه

افرح یا ولد های الکم ابشاره

الشکر موجود ابوکم کتبه ابداره

خل تتشمت اهل الحسد بفکاره

لاکن چن بحر و اشعاره شاطیه

اکتب فوگ صخره گلبی هذا البیت

شنهی الحصلیته  ابدنیتک کدیت

غیر العمل و الخیرات ما خزنیت

هذا البل گبر تحضر صوانیه

الله یِرحمک یا ضیف هذا البیت

اهدیلک الایه و الحمد و الصیت

عزیز او ورد حبک بل گلب شتلیت

ما ینّسا طیبک میه بل میه

استاد او درسیت اطفال و الطلاب

بل جامع تعلم سید المحراب

متستاهل ابو امهیدی تصیر اتراب

شاعر عرب فارس ینطق ابفیه

یمهدی های تربیتی افتخر بیهه

ضم هذا الکلام ابلحگ باجیهه

صیر افراش لل خوه او معانیهه

اریدنک تضل بل حره شمسیه

بعد لتنوح یا احمد او شد حیلک

عینک عند اخیک مهدی ایعینک

لا تختلف امره زینک او شینک

المشوره لل رجل حلوه او مرویه

یا علاو حس دمعک او حاچینی

اسمع هل وصیه او لا تبچینی

اریدک دوم وابدربی تدلینی

اذا عمیت العین ابدیره منسیه

یمحمد یروح الگلب یا فطره

یولیدی العزیز الیسوا النظره

لتعوف الدراسه او دنیتک خطره

تتاسف علی الی فات تالیه

یا موسی اخذ های الوصیه اویاک

علی اختک عسل حط عینک اترجاک

لتعوف الفخر بس تابع البچاک

اتعلم منه حتی ایشد معانیه

ماحب العفرته و الگوه و الطگات

مرید الملحمه و الندوه و الفلگات

نرید انعیش منوه بل  فخر والذات

الیگص شجرته ما یثخن ابفیه

ارید احچایه یولادی اوصیکم

ابطن الگبر لازم کون احاچیکم

لا تنسون ماسونی و اماسیکم

فرد رای انتظر منکم یداوینی

حط عینک یبو صالح او شد البیت

ضد الحرمنه و الحسد ما وصیت

اخوتک ظهر حملک وین ما نویت

حطهم بل گلب و اشتاگله اشویه

خل بل گلب رحمه لا تدوس الخیر

خل عندک محنه لا تسوس اببیر

یبنی انته الرایه لا توس ازغیر

ثگّل گلبک او اعلن مواسیه

الخدامه النه  لازم کون نرعیهه

العمام امجرحه لازم نداویهه

لا تتثگل الینخا اببلاویهه

لتبیع البخت و ابحکمک اتستر

البخت یحمی عمام او خوه لل تالی

البخت شمس او مضیه او نبع دلالی

البخت مفتاح یفتح باب امالی

رجا اترجاک زید اببختک اشویه

بعد عندی وصیه اوصیک بخوانک

لا تلهیک دنیاک انتبه شانک

صیر ازغیرهم و اجلس ابمیدانک

لا تضوی او شمعت بیته مطفیه

اخیکم جاسم امحمد الجبیره الحسانی الساری

24/10/1390

تصویر لل شاعر جاسم امحمد الجبیره الحسانی الساری 

آه یل شتلت وردتی ابجنت الدنیا علمهه

امی السهرت لیالی حگهه اتحبنی و احبهه

سمعت انه ذکرتینی علی اهموم المضت گتلچ

علی سهرچ علی تعبچ علی هل دنیا او عتبهه

یمه لولیلی اشویه خاطر اسمع نبت حزنچ

یمه هوسه یمه بوسه والمحبه انتی سببهه

انتی شمعه انتی دمعه انتی زهره ابطن لمعه

یمه ما نامن اعیونی اینطرن انجوم النحبهه

یمه دیوانچ قصاید یمه شعرچ بل گلاید

یمه قدرچ رفع زاید یمه شرجیهه او غربهه

یل حنونه بل محبه او بل وفا ماکو مثیلچ

یلی ما نامت اعیونچ من سهرتی ابوسط لیلچ

انتی رایه بل دنیه انتی آیه شدی حیلچ

انتی صعدتی الخلایق بل سما الله یعینچ

یمه اعذرینی عسی یبطل ونینچ

یمه اصیرن لچ عبد ما اوفی لحظه من شمیمچ

شکرا لچ یا امی الی ما اکتبو وارسم الحاضر فی الخیال

17/10/1390 طهران

سکنت ابدار طیبه ابدیره الخوان

او کملت ثمرتی بل تسعه جرونی

گبل لا صیر طیر او منوتی الغرلان

ابحجرها نایم ابکاروک حطونی

سهرت کل لیالیهه تعب بلوان

سبع اسنین بل مدرسه دزونی

عفیه اعلیک یا یابه شتلت ایشان

ورده حبک الخضرت ضرعانی

بعد شحچی علی الی دارس القران

لا قاری درس خاتمه عنوانی

بعد شحچی شکر و اتشکر ابدیوان

تابعنی ابشهامه اول او ثانی

بعد ما کملت السبحه شمرنی ابعید

بل سابع درست اوکل شهر جانی

کمل هل مسیره او زاد مهما اتگول

علی روج البحر بطران مشانی

سارت هل سفینه بل بحار اهوای

اشما ملیت ابوی ابصبره جرانی

دخلت احدود ثایات الزمان ابساع

هل ناطور چم اوصیه وصانی

ابصبره و ابکلامه المایعرفه استاد

علی درب الحکم مرات دلانی

اذکر یوم شالانی اعلی چتفه او گال

یبنی لا تضل تحصد ابگوسانی

العگل یخلق انسان ایطیر بل افلاک

الدرس کل شمس سیر بیه التتانی

تعال او شوف یبنی التارک التعلیم

یسرح بل غنم فلاح موغانی

خذیت اعلوم منه ما خذت من غیر

ابوی استاد واعلی الفخر دلانی

اذکر کلمه هامه منه عندما اذهب الی المدرسه فی الخفاجیه

قال اذا قلت نقودی سااقص جلدی و لحمی وابیعه حتی

و ادبر مخارجک الدراسیه.

ممنون علی هذا الحنان و الانسانیه منک یا ابی.

17/10/1390 طهران

ارید اعتب علی الخوان ما جونی

عذب مایی او شربونی او مج جونی

ابطن بحر العشگ مدفون موجونی

ضلیت ابفکر متنشدون بیه

ابو احکیم عزیز او بیته وسط العین

طیب بل محبه او یوفی کل الدین

ما شفناه صارن له سنه او سنتین

عوفو کل عمل اسعو او زورونه

ابو رضا حطاله رسم بل دار

واگف خبر دار او یکرم الخطار

ما یعرف ابجیبه المیه والدینار

او من یغضب یفردش کل زوالیه

ابو مهدی اخیکم لا تعلمونی

امعدل بل حچی بس لا تنسونی

وین اتصیر گعده بس تحضرونی

لشد احبالها واربط الچفیه

اجیت الکم یخوانی او زرت هل بیت

ابجال اولادی و اخوانی اجانی الصیت

من ابعید لل یسوا السهر طریت

لاکن ما رحمنی ابساع ذم بیه

اولادی اسباع ابعینی احطنهم

اعزاز اعلیه ما اگد اعوفنهم

ابطن الحلگ دایم کون ابوسنهم

یحفضهم لی علی حامی الحمیه

ابو صالح کبیر البیت حطیته

علی دار الفخر مرات دلیته

نخله امعدله او بل گلب شتلیته

اذا ما شوفه لحظه ایعن علیه

ابو احسان الحلو نایب کبیر البیت

امعدل بل کلام ابجاله انسریت

یبو اعیون الخضر بل ورده اشسویت

عفیه ابهل نجابه فدوه الک میه

ابو احسین او نعم نعمین جیدومه

شایل بیرقه الخوانه ملزومه

مایعتذر لو اریدن یجی الگومه

عفیه بیه بدر و اینور بل جیه

ابو جاسم امحمد طایع الصدقان

مرشد بل کلام ایطالع القران

استاد و جوشکار او دایر الدکان

اشما انخاه یجی وایسدد الفیه

ابو جاسم الثانی موسی واعلومه

رجل دین او دیانه او عابد ابگومه

من زغره یصلی او ما ترک صومه

عنید اخوانه بل ضیجات اشوفنه

اذا تعرف انه من هو یعدنانی

اسمع جاسم امحمد الحسانی

ترید اشعار گول او طول بلسانی

بل نت دخلت اشعار شعبیه

بل دراسه رتبتی بکلاریوس

عربی دینی درسیته بلا افلوس

امنل حساده بعد کفه یا سبوس

الما یوصّل فکرته اینقدونه

ابشعر الفارسی قدم اهوای اشعار

علی الیمه نظم چم قصه شد او دار

بل حب والمحبه یشفی المحتار

روح او شوف شعر النو و مر بیه

بل تحقیق سیف او یضرب او بتار

کشف قصه الجن بل قلم و الافکار

روی صورات منهم بل کتب مقوار

احمده سید الکتاب شخصیه

قصاید بل عرب کمل نشر بل سوگ

امعزب لل یکرهه روح سوم او ضوگ

حساده او کریهه الحطماه الشوگ

العالم کله ایعرفه ابرجولیه

ابو قاسم شماله نوبه شرجیه

نوبه بل شکاره اتدگ صوانیه

اذا حب کیفه یذهب لل خفاجیه

یگضی شغلته بل سکته والاسرار

بعد عنده طبیعه کون اگولنهه

یحب الکهکهه بل صدق اعلنهه

خذه گاع الزراعه اشلون اسومنهه

یا ربی احضرنی اشلون افهمنه

قاسم ابو بهمن صار شاشه ابزود

امعدل بل صداقه بس لکن مفرود

اگله جوز من طبعک تعال ابزود
یگول اشویه تانی خل اکملنهه

عبود الرویضی شایعه اعلومه

ابو اسعید بطل صندید جیدومه

تابع کل اخوته واهله او گومه

ولاکن بیه طبع یختاض من فیه

امر لحسین ساکت ما یدیر البال

امکرص بل شغل وایجالس الاطفال

ما امن کلامه لو حچه لو گال

یحچی چلمته او یترکهه منسیه

ابو امیر البطل صاحب ثنیه او ناس

واگف یم عمامه امکیف او فلاس

ما یزلف الواجب هذا عنده ساس

لاکن داگ راسه من ثخن فیه

امیر اشریف الینخا ایتعناله

ابشرجیه او یذهب یکمل اعماله

الله یحفض افروخه اتمناله

یضل حامی الخواله امنل حرامیه

علی عفیه علیه بل درس جیدومه

بعد خاله اببیتی او هل تجی اعلومه

اذا انخاه یتقدم الملزومه

مثل الاسد واگف یم سوانیه

شحچی عل قدرنه او شتت الخوان

عبد الله احمود الچان بل میدان

قاولنی اخیی بیده حط نیشان

لاکن من بعد مده نکر بیه

20/10/1390  بروجرد.

چنه اطفال ابصغرنه

نرکب الگصبه او ندوس

مادرینه اشلون گذرت

لحطه و اهدولی عروس

البیت موهیچی نهر و الطبخ مو کله زفر

والمحب گاعد ینتظر یحچی  او یاکل ما یبوس

اضکر الفاله والهوره واضکر الشط والسباحه

اضکر البردی والگصبه واضکر اشبوله او رماحه

البیت واسع یاسع اجمال او حلال

الدیره کلهه امگمره ابضی او دلال

عسی لا یبچی عذبنه الگصب یوگف والرمال

بل فواتح و العرایس تاکل او تشرب دلال

علی الجیران الحمل لابد تواسی هل اعمال

مادرا بو نایبه من هو الاجا و من هو الذهب

بعد شحچی علی العرایس صار یوم الفرح کلهه

تسبح او تلبس ملابس بل فرح یلتم شملهه

الطبخ والسفره عسلهه الچان حاضر من عربها

اریدن اذکر من خطبها ابلحظه وحده ایشد نسبها

واحد ایباری الثانی مثل هل خوه او گربها

مو مثل های البلیه الاخوا مابیه یطر فیه

اگول واحچی اعلی الثنیه

السبح بل شط مو اذیه

مای بارد صافی جاری معدنی میه بل میه

الشط اخونه الشرب منه یحمل ابلام السریه

انصید کل السمچ منه بل حرور انبوس ضیه

نغسل اهموم العلینه یا مصایب شواطیه

حافی نمشی ابلیل باردنسبح ابلحظه شرجیه

ماکو ذاک افلان زحمه هو اخیک وانته اخیه

لا قبض لل مای اجانه او لا سکر جانه ابمنیه

نمشی لل صوباط نگعد نجتمع کلنه سویه

نفرش السفره اببردی او نشوی سمچ الناصریه

انکضه من المای یلبط ریحته اتعط بل ثنیه

ارید احچی واگول الصید والصیاد

ماکو اسم دشمن لا اکو معتاد

ما معتازله لو راتبک ما فاد

دهن او سمچ واطیور او شلب جیه

خل تتعارک الناس او کلهه مطروده

او خل اتحارب امریکه المنشوده

او خل الضیم السود ینگلب توده

ابقریتنه امن من اول او تالی

نحچی بل زرع و السرح لعب الخیل

کل لیله الشباب اتصیح لعب اسهیل

اعظیم الضاح شایع وین راح الحیل

خطت حجله تنگز طاح تالیه

اذا عندک زرع توگفلک الوادم

العوان الیجی ابمنجله قادم

لحظه اتشوف صف العونه مترادم

طارت هل شکاره ابیت ابو ذیه

صید السمچ رچب البلم و اشباچه

رکب صیادهه او دفرت الملاچه

رایح لل برگ الاف دباچه

ینصب والسمچ متعلگ ابفیه

اجانا الحرب شد احروبه ویانه

او طردنا من دیار الخیر و القانه

علی چفت الچوادر غفل ذبانه

ساعه اننام واتفز الحرامیه

ضلینه ابمذله ناکل البلاب

بل خیمه سهرنه او ترکت الطلاب

شتی خرت علینه و الجرح ماطاب

صار اگناط مطبخنه او قبالیه

وی اننوی یا هل ناس وین انبوس

من الجوع تاهت جنت الفردوس

صنعتنه انضربت طاح شیخ الخوص

ملحه الدار صارت مو شجر بیهه

راح المای راحت دارنه الخضره

راح الحیل راحت زهرت البدره

العمه البرگه المچریه اصبحت سمره

لا یاجد المای او شلوا رملیه

ملینه الدیره شلت احوالی

اعاین لل جنس کله اصبح ابغالی

الراتب طار وانه انهدم دلالی

الزمان ابعید ما اتطلب اجیوبه

شهر یلفی قبض لل مای نص الگوم

قبض الگاز تابع یلچم المالوم

بعده الکعربا تاتی ابالم محتوم

والنقال یسلس دوم باجیه

بس اضغط الرز یخرج عشر تالاف

کل یومین اصومن و اکرف المکراف

من هل ضیم ملیت او ابد ما خاف

لاکن وین تالیت القدر بیه

هدیه الی  اخوانی جعفر و عبود امحمد الجبیره

و هدیه الی اصدقایی عوده جار الله الساعدی و حسین خلاف الساری و حسن فیاض المدلول السیاحی

18/10/1390

قم

حط عینک علی  حبی ترانی جای من ابعید

کض ایدی ا وساورنی الزمن دهورنی یوم العید

وحید اصبحت بل حومه

حبیبی انسلبن اهدومه

عجید ابسادته او گومه

اخذنی اویاک وین اترید

ارید اویاک اخذنی یا بعد روحی

مضل بل دار وحدی او تلچم اجروحی

تعال او شوف دمعی من کثر نوحی

نزف دمه الگلب تچیلی یا صندید

نزف دمه الگلب ما تدری شنهی الصار

ربیتک حبیبی ابگلبی شبت نار

تالیتک تعوف او تنکر الاذکار

 دخلنی ابجنتک  غیرها ما ارید

اخذنی اویاک ورده او بل صدر ذبنی

اذا ملیت منی  لا تعاتبنی

وحگ عیناک مسلوب الفکر منی

اسیر اویاک  مفروک الگلب یسعید

بعد ما ارید اضل بل دار

الوحشه دوختنی او تاهت الافکار

ما تدری اشکثر ابحث و اضم  اسرار

انتبهی یا عز یزه  والعذر میفید.

من اشعار جاسم امحمد الجبیره الحسانی السلیماوی الساری

17/10/1390

هله    یهلال   عیدنه   و سرنه

ابقدومک کملت الفرحه و سرنه

الیوم   النصر   ایدنه   و   سرنه

احسان احمد یضل حامی الحمیه

هله یهلال من هلیت و اضویت

علی درب المحنه جیت واضویت

افرحنه ابجیتک لل بیت واضویت

الک   ننظر   یبن   طیب  البریه

اجتنی اخبار من احمد یرن نقاله اعلیه

گلت شترید یا محمود بس لا عند ک ابنیه

گال اسمع یبوی النوب چن سابح ابشرجیه

اجیتک استمع لی زین احسان الفخر شعت سوانیه

ابعید اول سنه میلاد سنه الفین واثنی عشر هجریه

هله بولیدنه ایحفظه ربنه او علی داحی الباب یومیه

الهی شکرا ابمیلاد احسان الولد جانه ابظهریه

هله بیک و هله ابهل عام طرگنه او طردنه السنه المنسیه

یمشعل یضوی هذا البیت انته اهلال جدک ضوه لیلیه

اشحلاتک یا بعد هل روح یا جدی ابتسم سنک او جر فیه

تعال احذای یا منوای و اطرد لی الحرامیه

او زیل العار من اسلیم او ساعد جدک اشویه

 من الحان جاسم امحمد الحسانی الساری  13/10/1390

صوره احسان احمد حسانی فی الیوم الثانی من ولادته

تعنینه لبو حیدر واجینه

علی الغزلی خمس تشهر وجینه

ابو مهدی وابو اعلیوی و اجهنه

الدرب ابعید والحرثه اذیه

لبست اهدومی واگف بل درب نیشان

بل شارع نزلت امتانی الـــــخوان

سکــرنه اوذهبنه الساحت الصدقان

عجزت روحـــی من الوگفه ملینه

ملینه انتظر عوده یجینه ابساع

بل سیاره یلفی یرکبون اسباع

الی سید خلف معزوم یم الگاع

محمد پور ضاع اشماله وایمینه

ضیعنه الصدیق او ما بعد نلگاه

مایمشی عدل تایه ترا ابممشاه

یرن صوت المبایل کلنه نترجاه

ولک وین اوگفت یا عوج چلینه

بالف لوعه وصلنه او رکب ویانه

عــوده السایق السیاره مشانه

شــد احزام لا تلفی الدفانه

توصل لل جرایم وین تالینه

حرّکنه او مشینه والدرب مخطور

ما تمشی السیاره عوج واتدور

ترید الزبده لو تطلب کتل ناطور

وصلنه لبو حیدر ساعه گعدینه

گعــــدینه ابداره والمعــزب صاح

چای او گهوه والم والغده هــل فاح

جرّت سفرته شاوی السمچ هل راح

یستاهل ابو حیدر وفــــــی ابدینه

یستاهـــل بطل وامعزب العربان

واگف بل درب وامسهر الشجعان

امحزم بل کلام او خادم الدیوان

شعر وابیوت مـن الفاظه سمعینه

ردنه انگوم واگف عـمد ظل بل باب

امعــــزب والعزوبیه تصب مرزاب

الله ایحفظه من شر الیجی بسباب

ابو حیدر الغـــــــزلی الله ایعینه

نشکر لک یخی هل دعوه مقبوله

منک لبو امهیدی الفکره منقوله

اذا خلــــص الراتب دبر التوله

نغبلهه عزیــــمه زینه لو شینه

اسئل ربی ابهای الرســـوم ایزید

هل بدوه علی الاحباب حض اترید

ادخل بیت ربعــک لا یجیک العید

سلام العــــــید لازم کون یتعنه

ادخل بیت اخیک لا تــشیل اذنوب

زیل الحقد واشتل ورد ذاک الصوب

میفید العتب یا هو الحـکم بحروب

خل ربک الشـــــاهد موته یتمنه

جاسم امحمد الجبیره الحسانی الساری

09/10/1390

کشفنی ابنظر عینه او مر علیه

حلو طوله ولاکن مر علیه

ابطن بیتی دخل وامر علیه

کصرت ایده او شرد لهله اباذیه

ارد اذکرک

ارد اذکرک یا من اهدیت المحبه

ارد اذرک یا من ابدیت ابمچبه

ارد اذکرک یوم سرت ابهل طریقه

ما چنت تدری العاشگ

یشتل اورود الصدیقه

ارد اذکرک یوم گتلک  کف بعد لتعود بیه

ارد اذکرک من زرتنی عفتک او ضگت المنیه

روح دربک عسم یا اخی

صحبتک کلهه اذیه

لاکن امجرب یجرب

کلمن اگلیبی یکرهه

الف طرده ایعود بیه

ما ژزت من درب حبک

جیت متحمل علیه

احساب عطشان او تلاهث

اتخایر اگلیبی ابشچیه

لو اموت ابجال حبک

لو تدخلنی المنیه

اشما اکلمک هیه هیه

ما تطیع اشما اعلمک

تشتل اورود الزهیه

انکصر گلبی من عذابک

جیت و اتحملت همک

گلت میخالف یولفی

انه اریدن حفظ دمک

صرت طراده اببحرک

اتحملت ما گلت ازمک

ثلث میه او فوگ شده

شددت ضرعانی امک

گلت میخالف اتحمل

العشره لو تعدل اویاها

لو تخالفهه تطمک

او بقینه اسنین نتهاوش ابروج الجای

اببحرک غرگینه او ما بلعنا المای

الف وجعه لفتنه او ما بدلنه الرای

او بل گوه ما ظن تقبل المطلوبه

ثلث اسنین سهرت الگلب ویاک

رایح جای تالیته هفت ممشاک

امن بعد ما اذکر رسم طرواک

نسیتک لل ابد یا گلبی اتهنه

اتهنه یا گلب یوم الگلت ما ارید

او علی اهومی ابد کل هم انه ما ازید

الیسامح حلو کل دوم اظن میفید

اطرده خل زمانه انوب یتچنه

طردته فرد طرده او ضل یدیر العین

الما عنده بخت ما یوفی کل الدین

گطعت ادروبه  کلهه من بعد سنتین

بس وردت حیاتی اویاه متعوبه

بس وردت حیاتی اویاه تعبانه

لیل انهار ما نامت او سهرانه

تفکر لیش ابونه راح ما جانه

ما تدری الگلب من امهه امکصر

خل تدری حفرنه ابربک المیسور

شتلینه صبر بدروبک المنفور

خضر ورد احمر ثمرت المعمور

لاکن مر کلیته او گلت اتوبه

گلت اتوبه او بعد ما اعود بیک

انته استاد او عزیز لازم اوفیک

کض اذانه او گال ما اجیبن طریک

لاکن المنعول شد احروبه

حاربیته بل لسان او بل عمل

نوبه اغطه نوبه ایغطنی ابزعل

راح شارد لاکن امهلته ابامل

انروح لل حاکم او یقضی اعلومه

رحنه لل حاکم حضرنه هل سنه

مدت السان الطویل امگلسنه

ادری بیهه بنت الگرع طلسمه

اشما تگول احچی واسد السانهه

اخر احچایه حچیت اویه المره

هل وکیله اشلون حلوه امگمره

گالت انه اویاک شوف امحمره

خذت عنوانی او سکنت ابجالهه

خذت عنوانی او گالت یا حبیب

ذیچ راحت انه اویاک ابنصیب

انت ورده او بسمتک کلهه عجیب

لفت طرگاعه علی بحزانهه

ما اعول افتک و اسلک طریق

اجتنی های اتگلی اریدک یا رفیق

انمزگ قلبی ابحر حبهه انه غریق

اشلون افرن و اطلع من احتامهه

امحتمه اعلیه او تطلب سلوتی

اترید عنوان او رقم من دیرتی

گلت ربی امنین افر ابغربتی

گلت چش خانم اجر دارد ثواب

گلت چش گامت خبر دار ابفرح

او گلب مرتی طار او بل عالم سرح

زرزرت و اتگول هذا هم شرح

گلت اسئلی های هی ادروبهه

سئلت امعزایه ای خانم چه شد

این عزیزم این طلاقم تو چه شد

تو وکیلی یا که شیدایی چه شد

گالت الهه اسکتی هذا انه ارید

اتحاربن بل صاله بل هذا او هذا

هایه اتگلهه حبیبی انه رضا

ذیچ تطرد من رجلها المرتضی

التمت الوادم صرت فیلم او نشید

بویه اسکتی خانمی بسچ بعد

هایه استاده وکیله لل ابد

خل تخلص شغلتی حرفی نزد

اتگول باشه لاکن احذالی محال

ما تعوف اشما ازیدن بل شرد

گمت ارجف وفر طهران او برد

بل شوارع ارکض او طاردهه طرد

توه کمّل هل علم واذنوبه

احمد الله من رجعت الدیرتی

روح واسئل من هو انه ابغیرتی

اموت لل یسوا و اقدم دنیتی

خاطر اتصم الحلگ من قالها

اشکثر عدهه قیل هل ناس ابکثیر

ابن زارع هل نخل یغتب امیر

اشما انعلمه ما یسیر ابهل مسیر

ایروح وایصطر ذهب طلیانهه

هوه بع بع وینه او وین الکرم

امی کاشخ عالگ ابجیبه القلم

اتگله اکتب روح زید ابهل فهم

امکشخل ابوجهی و صم اچفوفه

گلت یا هی مالتی و انه وحید

لو ضربنی ابغمه و الدمی یزید

منهو یطلع لی او یحمی هل فرید

لو یفردش حثتی ابهل حومه

یا جماعه جاسم امحمد یگول

ایرید طلبه من صدیقه اهوه ینول

باشر الاداب و الحب کل ذلول

والیغیض الغیر یطرد گومه

من کلمات الشاعر جاسم امحمد الجبیره الحسانی الساری

04/10/1390  طهران

ابطن الباص ورده وانظر الهه

علیهه اکتب قصیده وانظم الهه

اشما انظر امرایه منظر الهه

تشل الحال من تنظر علیه

اچم مره تقشنی وانقش الهه

اطلبت منی ارسمهه وانقش الهه

ابکثر ما کنت احبهه و اناقش الهه

طلعت خاینه او کذبت علیه

ذهب طهران گلبی ما لگا ها

ابشوارها گصدها او ما لگاها

قلبی ابحبه الهه او ملک اها

املکت گلبی  اومحبتهه شچیه

مطایا اهوای شفنه مارکبنا

او علی درب المحبه مارکبنا

شافانه حبیبی او مارکبانا

صحت له والتفت ما حن علیه

الک بل عین احط دارک واحط روح

احترگ گلبی لتقابلنی ولک روح

الچان اترید گعداته ولک راح

نسه حبه او ذهب لهل الوطیه

الک الاف بل خزنه ولک دار

تدری انته ذهب صافی ولک در

لا تنسی الی ذکراکم والک دار

اذا متمر هواک ایعم علیه

من اهواز اجینه انطهرالکم

عدنه شغل یمکم الطهرانکم

عدنه اوصیه الکم اعطیهه الکم

خل یرتاح بالی ابهل اذیه

اجیتک معتنی او مترد علیه

ضربت الجرس هم مترد علیه

هدیتک روح لاکن متردها الیه

درکتک خاین ابدرب الخویه

بگیت افتر ابدربی من هواکم

اشعجب غیر طبعکم من هاواکم

گلبی شاب وانطر من هواکم

بگه امغیم او تایه بل ثنیه

عجیب احلام حلوه رافگتنی

الدنیا اذهت علی من رافگتنی

گتله رافگتک مو رافگتنی

یگلی شم هوا وابلع منیه

یراهی عوف دارک وانتخینه

انت سلوتی او روحی وانته خینه

اذا ننخاک مره انتخینه

ولا ما تجی لا تعتب علیه

اخلافک ما ضحک فمی ولا دار

ولا زرنه شواطیهم ولا دار

اخلافک لا ثدی یرضع ولا در

یدر ابیوم نتقابل سویه

علیک اعیونی سهرن یا سهرنه

اخلافک ما کو ونسه یمسهرنه

یا ما لل محب گعدینه او سهرنه

السهر مل واحنه گعده ابهل ثنیه

یطارش دز سلامی او سلمنی

ابصحتی بشر حبیبی ا وسئله منی

گلت راحت الخوه او ما سلونی

ابو افلوس ایتبختر بل دنیه

یخی ملیت من ضیمک و دهرک

بعد ما اگعد اگبالک و ادهرک

جسمی نهل ما یحمل وده یرک

ایتخربط من ذکر اسمک علیه

طویت اللیال  وایامی لجلکم

لان گلبی علی حبه لاج الکم

سهر لیله علی الفرگه او لاژالکم

متعودون یخسر بل دنیه

حملنه اهموم منچ یا دنیه

علی کرهچ او طمعچ یا دنیه

ابوی الگال شاره یدی نیه

اهی  سوده او مصایبهه ردیه

شلت اهموم محد شایلانی

علی متنی ضمایر شایل انی

کاس الضیم صبه شای لنی

الگلب محروگ او برده ابکاس الیه

شردنه امن الکراهه او هل لفتنه

بری من شرهه لاکن حللفتنه

عفتهه الزمت ظهری او حالفتنه

مچبیه او کل وکت تفتر علیه

اشکثر همی مراکب سار بنهار

یصب غیضه علی مرزاب بنهار

اذا نتماطل انه اویاک بل نهر

اخلی راسه تحت المزهریه

الف عجده ابحبک یخی شدهن

اچم ورده التحن اعلیک او شادهن

هذنی المرمرن خلگک اشعدهن

ازلفن لو تموتن بل وطیه

دخلت اببیر انه ابحبک بلا مای

ولا ابوی الخذت رایه ولا مای

لانی دارس اعلومه ولانی امی

نخیت الرب اضن سهلهه الیه

الصداقه دوم باری الهه وجرها

اذا ثانی دخل بیهه وجرها

احسبه ناکر ابذاته واجراها

تکون انته الوفی ابهای الثنیه

شد احزام ظهرک واخذ درباک

الشجاعه ذهب وامخزنه درباک

لا تذهب اذا ماتحب دربک

الثگل یشتل ورد برض الوطیه

اشمالک یا دهر مشتبچ ویای

ابنارک هل حرگت الگلب ویای

الرایح سمعیته ابهای والیای

انته ابفرح وانه النار بیه

نزلت ابدارکم خالی بهامای

رحیل او تاه دلالی بهامای

الجمل ما شایل افراگک بهمی

المراچب غرگت گلبی اباذیه

نزلت ابدارکم واگف ولا اشوف

او گلبی ابذکر حصراتک ولا شف

انترس بهمومک ابمایه ولا نشف

اشما ینشف تترسه ابنظره الیه

یغالی کثر ابلومک و  وعداک

وین اصحابک احبابک ونعداک

هذا الجری المکتوبک ووعد الک

اشتضن تفرغ یبن طیب البریه

بلاوی اهوای گلبی ما سمنه

او کلینه اشکثر حنضل ما سمنه

ولا اذینه جارک وماسه منه

الجارالیرث جاره ابهل وطیه

یهل تنشد ابحبک دوم وجیت

ذکرتک یا عزیزالروح وجیت

بحرک ما سکن بل الالم موجات

اذا یسکن ترد الروح الیه

شعلت نار گلبی من سماها

اذا منکر نشدها من سماها

لا ارضه الضربها من سماها

اذا سمهه توج النار بیه

جاسم امحمد الجبیزه الحسانی الساری

02/10/ 1390طهران